“Yeni Müsavat Partiyasının yaranması an məsələsidir” - “Kapitan Media”da Rauf Arifoğlu ilə YUBİLEY MÜSAHİBƏSİ

Publika TV bu gündən “Kapitan Media” adlı yeni layihəyə başlayır. Layihədə ölkə jurnalistikasının öndə gələn mətbuat və media rəhbərlərinə, baş redaktorlarına ən müxtəlif sahələri əhatə edən suallar ünvanlayacağıq. Bir sözlə, maraqlı müsahibələrlə tez-tez görüşünüzə gələcəyik.

Layihəmizin ilk qonağı “Yeni Müsavat” qəzetinin baş redaktoru Rauf Arifoğludur. Rauf bəyin gələn ay 55 illik yubileyidir. Yubilyarla yubiley müsahibəsi etdik. İstədik ki, ömrünün 32 ilini Azərbaycan jurnalistikasının inkişafına həsr etmiş bir şəxsi elə birinci biz təbrik edək.

Müsahibənin əsas məqamlarından hissələri sizinlə bölüşürük.

- 55 yaşım 23 iyulda – Milli Mətbuat Günündən bir gün sonra olacaq. 55 illiyimin ilk təbriki sizdən gəldi.

***

- Bugünkü Müsavat Partiyasında olan adamların hamısı mənim qurduğum təşkilata gələnlərdir. Yəni, mən heç yerə getmədim. Sadəcə olaraq iki layihəm var idi, biri “Yeni Müsavat”, o biri Müsavat Partiyası… Bu layihələrin biri ilə davam etdim…

- Müsavat Partiyasından 26 il sonra ayrılmışam. İnsan bəzən heç 26 il yaşamır, dünyasını dəyişir. Müsavat adını “dünyasını dəyişməyə” qoymamaq, başqa çirkli vasitələrdə istifadə etməmələri üçün… daha yaxşı hesab etdiyim istiqamətdə irəlilədim.

- Müsavatçılıq Prezidentimizin apardığı kursdur, Arif Hacılının apardığı kurs deyil.

- Yeni Müsavat Partiyasını yaratmağım an məsələsidir… Sadəcə, hələlik buna ehtiyac duymuram, çünki dövlətimin kursundan razıyam. Elə bir kritik situasiyanı hiss etmirəm. Hiss etsəm, təbii ki, bu addımı atacağam.

Müsahibənin tam versiyasına aşağıdakı videodan baxa bilərsiniz:

Tural Turan

Fotolar: Ceyhun Rəhimov

Video: Röyal Adıgözəlov

Montaj: Ramazan Vəliyev