ABŞ xüsusi hazırladığı terrorçuları Türkiyə ilə döyüşə göndərdi - VİDEO

Türkiyə Silahlı Qüvvələri və Azad Suriya Ordusunun (ASO) Suruyanın Afrin bölgəsində keçirdiyi “Zeytun budağı” hərəkatında PKK/PYD/YPG terrorçularının ağır zərbələr alması ABŞ-ı əlavə yollara əl atmağa məcbur edib.

Publika.az Türkiyənin “Yeni Şəfəq” nəşrinə istinadən xəbər verir ki, ABŞ 1996-cı ildən Quam adasında xüsusi təlim verdiyi terrorçuları Afrinə göndərməyə başlayıb.

Xəbərə görə, ABŞ Afrinə 70 terrorçu göndərib. Tank əleyhinə silahlar və zenit raket sistemlərindən istifadə edə bilən, həmçinin taktik-strateji təlimlər keçən və təyyarə ilə helikopterlərdən istifadə bacarığı olan PKK terrorçuların hazırda ən qaynar nöqtələrdə türk hərbçiləri ASO-ya qarşı döyüşdüyü bildirilir. Quam adasında xüsusi təlim keçən terrorçular HAT adlanan PKK-nın “xüsusi əməliyyat qrupu”nun əsasını təşkil edir. ABŞ Əfqanıstanda inşa etdiyi Baqram hərbi bazasından sonra ölkə xaricində tikilmiş ikinci ən böyük bazanın olduğu Quamda 1996-cı ildən terrorçular hazırlanır.

İraq, Suriya, İran və bəzi Avropa ölkələrindən adaya gətirilən kürd gənclərinin burada ən azı bir il hərbi təlim aldığı deyilir. Daha əvvəl İraqa göndərilən terrorçuların 2000-ci illərdən Suriya və İrana da “ixrac” edildiyi bildirilir.

PKK-nın “xüsusi əməliyyat qrupu” istifadə etdikləri silahlar və geyimlərinə görə ABŞ-ın xüsusi təyinatlılarından fərqlənmirlər. ABŞ tərəfindən təpədən-dırnağa qədər silahlandırılan HAT ABŞ istehsalı olan ən müasir gecəgörmə cihazları və digər silahlardan istifadə edir.

Ömər