Moskvada xəzinə tapıldı
Bizi izləyin

Bilgi.az

Moskvada xəzinə tapıldı

Moskva ətrafındakı "Puşino-na-Nare" malikanəsinin özülündə XIX əsrin əvvəllərinə aid edilən 380 qədim sikkə tapılıb.

Axar.az rus mətbuatına istinadən xəbər verir ki, 1810-1825-ci illər arasında Rusiya saraylarında kəsilmiş ikiqəpiklik mis sikkələr kərpiç hörgüyə yerləşdirilib. Xəzinəni qəza əleyhinə işlərə başlamazdan əvvəl bünövrəni yoxlayan fəhlə tapıb. Bir zamanlar tədavüldə olan sikkələr yaxşı saxlanılıb.

Eyni nominallı sikkələr belə tapıntılar üçün nadir haldır. Mütəxəssislər hesab edirlər ki, pulları zirzəmidə yaşayan qulluqçu maaşından qənaət edib gizlədə bilərdi. Digər versiyaya görə, sikkələr ev sahibinin uşaqlarına məxsus olub. Çox güman ki, uşaqlar onlarla "oryol-reşka" oynayırlarmış. Sikkələrin əksəriyyəti deformasiyaya uğrayıb.

Yaxın günlərdə xəzinə dövlətə təhvil veriləcək, bərpadan sonra isə onun bir hissəsi malikanənin ekspozisiyasını tamamlayacaq.

Xatırladaq ki, Moskva ətrafındakı Serpuxova şəhərində yerləşən "Puşino-na-Nare" malikanəsi XVIII əsrin sonu XIX əsrə aid memarlıq abidəsidir. İnqilabdan sonra burada lazaret yerləşib. 1975-ci ildə memarlıq abidəsi kimi qəbul edilib. Son zamanlaradək qəza vəziyyətində olub. Bu ilin martında bərpa üçün özəl investor - ASG şirkətinə verilib. Bərpa işləri başa çatdıqda investor obyekti güzəştli şərtlərlə (1 kv. m üçün 1 rubl) 49 il müddətinə icarəyə götürə bilər.

Oxumağa davam et
Reklam
Reklam

Gündəm