Günün ULDUZ FALI: sizi böyük uğur gözləyir

Publika.az dünyanın nüfuzlu və məşhur ulduz falları portalları "Horoscope" və "Astrology"yə istinadən bu günün qoroskopunu təqdim edir

Qoç - günün ilk yarısı uğurludur. Yeni başladığınız işlərdə aktiv olun, mümkün qədər irəliləməyə çalışın. Qələbə və gəlir şanslarınız artacaq.

Enerjili olsanız, kiçik maneələrdən çəkinməsəniz, məqsədə çata bilərsiniz.

Günün ikinci yarısında əksliklərin vəhdətindən yararlanın. Ən ağır, müşkül işi asanlıqla həll etmək olar. Hisslərinizin etirafı üçün yaxşı zaman deyil.

Biliklərinizi artırın, təcrübənizi zənginləşdirin. Yarımçıq işləri başa vurmağa can atın.

Axşam saatlarında ifrat miqyaslı işlərə başlamayın.

Buğa - yaradıcılıq, innovasiyalar üçün faydalı zamandır. Maraqlarınızı təmin edəcək işlərlə məşğul olun. Problemlərin həllində yeni variantlardan istifadə edin. Kreativ olun, sınanmış metodları bütün dərdlərə çarə saymayın. Tərəfdaşlarla birlikdə yaxın gələcəyə hesablanmış perspektiv plan çərçivəsində hərəkət etsəniz, işləriniz daha yaxşı alınar.

Günün ikinci yarısında şərtlərə əməl edin. Ailə üzvlərinin istəklərini və tələblərini nəzərə alın. Daşınmaz əmlak, təmir, inşaatla bağlı işlərdə maliyyə imkanlarınızı dəqiq hesablayın.

Əkizlər - bilik və bacarıqların artırılması, təhsil səviyyəsinin yüksəldilməsi üçün əlverişli zamandır. Mühüm danışıqlar, önəmli görüşlər, ciddi məsələlərlə bağlı məsləhətləşmələr üçün günün ilk yarısı münasibdir.

Ciddi məsələlərlə bağlı diskussiyalarda emosiyalara qapılmayın.

Günün ikinci yarısında həllini tələb edən işlər arasında prioritet istiqamətləri seçin. Nüfuzlu insanlardan biri ilə təmaslardan yararlanın.

Axşam saatlarını ailə üzvlərinə həsr edin.

Xərçəng - çətin təsir bağışlayan problemlərin həllində qəfil irəliləyişlər ola bilər. Təşkilatlanmış fəaliyyət daha məntiqidir. Sistemli yanaşma və diqqətin mərkəzləşdirilməsi ilə bağlı konkret addımlar atın. İşlərinizi ciddi planlaşdırın.

Günün ikinci yarısında rəhbərliklə ciddi söhbət zamanıdır. Həmkarlarınızın maraqlarını nəzərə alın. Büdcənizi dəqiq plaşlandırın. Alış-verişdə bədxərclik etməyin. Uzunmüddətli maliyyələşdirmə məsələlərinin nəzərdən keçirilməsi üçün əlverişli zaman axşam saatlarıdır.

Şir - sizi maraqlandıran sahədə irəliləyişlə nail olmaq üçün ciddi səy göstərməyiniz gərəkdir. Strateq olun, məntiqli taktika qurun. Ani hisslərin əsiri olmayın, eyni zamanda "qlobal hədəf"lərə də aludə olmayın.

Genişmiqyaslı layihələrə başlamaq olar.

Günün ikinci yarısında şəxsi münasibətlərdə problemlər yaratmayın. Arqumentlərdən istifadə edin, əməllərinizə nəzarəti əldən verməyin. Qarşılıqlı güzəştlərə zərurət duyulur.

Axşam saatlarında normal istirahət etməyə çalışın.

Qız - başladığınız işdə diqqətli olun. Xəyallara dalaraq real imkanları əldən buraxmayın. Aktiv olun. Sizi nə isə maraqlandırarsa, əlavə və gərəkli məlumat əldə etməyə çalışın.

Günün ikinci yarısında texnoloji innovasiyalarla tanışlığa ifrat vaxt ayırmayın. Rəqibləri üstələməyə çalışın. Yeni rəğbət obyekti ola bilər.

Valideynlərinizin hörmətini saxlayın, azyaşlıları aşağılamayın. Hərdəmxəyal olmayın.

Axşam saatlarını evdən kənarda keçirmək olar.

Tərəzi - cari məsələləri həll etmək olar. Uzunmüddətli layihəni reallaşdırmaq üçün zəmin hazırlayın. Maraqlandığınız sahə və ya istiqamətdə məqsədə çatmaq üçün daha inamlı, qətiyyətli adımlar atın. Birgə işlərdə aktiv olun. Potensialınızdan yararlanın.

Günün ikinci yarısında ümumi maraq və ya məramınızın olduğu insanlarla tanış olacaqsınız. Daha təcrübəli insanın sözlərini qulaqardına vurmayın. Sayıq, huşyar olun.

Axşam saatlarında normal istirahət edin.

Əqrəb - maliyyə məsələləri ilə bağlı qayğılarınız arta bilər. İrəliyə doğru hərəkətinizi əngəlləmək istəyən insanların qarşısından geri çəkilməyn. Yaxın gələcəklə bağlı planlarınızı yaxşı tanımadığınız insanlarla bölüşməyin.

Köhnə dostlardan birinin məsləhətindən yararlanın.

Günün ikinci yarısında durumda dəyişikliklər olacaq. Ailə üzvlərindən birinin qayğıya ehtiyacı var. Onu diqqətlə dinləyin, mütləq şəkildə yardım edin. Axşam saatlarında yola çıxmaq, səyahətə yollanmaq məsləhət deyil. Rasionunuza fikir verin. Nikbin olun.

Oxatan - yetərincə uğurlu gündür. İrəliləmək istəyirsinizsə, qətiyyətli və əzmkar olun. Təcrübəniz və bilikləriniz bundan sonrakı nailiyyətlərinizin rəhni ola bilər. Əlavə məlumatlar, gərəkli informasiyanın axtarışı xüsusi aktuallıq kəsb edir.

Günün ikinci yarısında illüziyalara qapılmayın. Hadisələrə təsir rıçaqlarını gücləndirməyə davam edin. Real statusunuz peşəniz və yaşınızla bağlı nüansları nəzərə alın. Hansısa problemi həll etmək üçün təcrübənizin yetərli olmadığınızı hiss etsəniz, məsləhətlərə qulaq asın. Amma işin öhdəsindən özünüz gəlirsinizsə, başqalarının dediklərini aksiom hesab etməyin.

Oğlaq - yeknəsək işlər gözləyər. Əsas diqqəti yeni problemlərin həllinə yönəldin. Layihələriniz arasında ən çətin, effektiv və riskli olanı seçin, onunla məşğul olun. Münasibətləri təftiş etməyə başlamayın.

Günün ikinci yarısında əlavə xərclərə hazır olun. Maliyyə sərfiyyatı, fiziki və emosional cəhdlərin həcmi artacaq. Özünüzdən bədgüman olmayın.

Arxa cəbhəniz səbatlı, dayanıqlı olmalıdır. Təmkinli və soyuqqanlı olsanız, seçdiyiniz sahədə sizi uğur gözləyir.

Axşam saatlarında normal istirahət edin.

Dolça - yalnız özünüzü düşünməsəniz, uğurlu zamandır. Eyni vaxtda bir neçə sahədə tərəqqi ola bilər. Şəxsi münasibətlərdəki problemlərin həllində bir sıra alternativ variantları sınaqdan keçirin.

Günün ikinci yarısında yeni əməkdaşlığın və yaradıcı əlaqələrin yaxşı perspektivləri var.

Rəqabət təcrübənizi və imkanlarınızı artıra bilər. Hadisələrə təsir imkanlarına malik insanın yardımlarından, məsləhətlərindən yararlanın.

Balıqlar - fəaliyyət sahənizdə təkmilləşmək və irəliləmək üçün potensial var. Gündəlik qayğıların çözülməsinə yaradıcı yanaşsanız, yaxşı nəticələr əldə edəcəksiniz. Kreativlik və müstəqil təfəkkürlə bahəm, intizama meylli olun.

Günün ilk yarısında başladığınız işləri başa vurmağa çalışın.

Günün ikinci yarısında yeni işlərə başlamayın. Genişmiqyaslı fəaliyyət və ya layihə problemlər vəd edir. Həmkarlar, müştərilərlə təmaslarınız aktiv olacaq. Yazışmalarda passivlik etməyin.

Səhhətinizin qeydinə qalın. (Milli.Az)