Buna görə məyusam - Fettel

12 May 2022 10:24

“Aston Martin” komandasının pilotu Sebastyan Fettel Mayamidə xalsız qaldığı üçün məyusdur.

Publika.az xəbər verir ki, almaniyalı sürücü yarışa axırıncı yerdən başlayıb və uzun müddət trafikdə qalıb.

Buna baxmayaraq, xal almaq üçün şansı olub. Lakin Mik Şumaxerlə 9-cu yer uğrunda mübarizədə hər iki sürücü təmas yaşayıb. Nəticədə dördqat dünya çempionu xalsız qalıb.

Sebastyan Fettel deyib ki, nə baş verdiyini bilmir: “Təmas etdiyimiz üçün xalsız qaldıq. Daha yaxşı nəticə mümkün idi. Güzgülərimdə Mikə nəzarət edirdim. İkimiz üçün də axmaq təmas idi. Deyiləsi sözüm yoxdur. Elə bilirdim ki, döngədə öndə olan tərəf mənəm. Onun elə hücum edəcəyini gözləmirdim. Trasda ötmə etmək çətin idi. Təhlükəsizlik maşını bizə kömək etdi və səkkizincilik mümkün idi. Buna görə məyusam”.