“Ferrari”nin finiş xəttini görməməsi xeyrimizə oldu - Verstappen

13 İyun 2022 15:36

“Keçən il bəxtim gətirmədi və qələbəni əldən verdim. Bunu geri qaytarmaq mümkün deyil. Amma bu dəfə Bakıda sürətim əla idi, təkərlərə də yaxşı nəzarət edə bildim”.

Publika.az xəbər verir ki, bunu açıqlamasında Formula 1 Azərbaycan Qran Prisinin qalibi Maks Verstappen deyib.

Pilot bildirib ki, tədricən liderə yaxınlaşdım və sonra irəli keçdim: “Təbii ki, “Ferrari”nin finiş xəttini görməməsi də xeyrimizə oldu. Amma sürətli idik və Leklerlə fərqi bağlaya biləcəkdim. Maşının balansından çox razıyam, çünki belə bir trasda təkərlərlə düzgün davranmaq çox vacibdir və biz bu gün buna nail olduq".

M.Verstappen onu da qeyd edib ki, komanda olaraq dubl etdik, hər şey çox yaxşı keçdi: “Kanada və digər gələcək mərhələlər barədə proqnoz verməkdən çəkinirəm, çünki hər yarış özünəməxsus ssenaridə keçir. Səhv etməmək, düzgün qərar vermək və gedişatı, hadisələrin inkişafını izləmək lazımdır. Amma vəziyyət yarışdan yarışa dəyişilə bilər”.