Maks Ferstappenə heyran qaldım - Kulthard

12 May 2022 17:06

Sabiq “Formula1” pilotu Devid Kulthard Mayami yarışından sonra Maks Ferstappenə heyran qalıb.

Publika.az xəbər verir ki, niderlandlı sürücü yarışa 3-cü yerdən başlasa da, startda Karlos Saynsı, daha sonra isə Şarl Lekleri keçərək, mövsümdə üçüncü qələbəsinə sevinib.

Devid Kulthard bildirib ki, bolidlər arasında ciddi fərq olduğunu düşünmür: “Bolidlərin fərqli ölkədə hazırlandığını düşünsək, əla nəticədir. Bu il əsas amil təkərlərin yeyilməsidir. Bütün nəticələr bu faktordan asılı olacaq.

Bu həftə Çeko komanda yoldaşı Maksdan çox zəif olmasa da, onunla eyni tempi tuta bilmədi. Yəni Maks faktoru da var. Yəni ki, “Red Bull” ən sürətli maşındır demək elə də asan deyil.

Təhlükəsizlik maşınından sonra Maks təzyiq altında idi. Yarışdan sonda onun da, Leklerin də necə yorulduğunu və tərlədiyini gördük. Var qüvvələri ilə yarışdılar və bu da mənim xoşuma gəldi. Maks əsl çempion kimi sürdü. Maks gənc və təcrübəsiz olsa, Lekler onu keçərdi”.