Yarışda atmosferi azarkeşlər yaradır - Hamilton

“Formula 1” üzrə yeddiqat dünya çempionu Lyuis Hamilton düşünür ki, azarkeşlərin idmana marağını artırmaq üçün yarışlar şəhər tipli traslarda olmalıdır.

Publika.az xəbər verir ki, idmanda getdikcə şəhər tipli traslar artır.

Keçən il Ciddə, bu il Mayami təqvimə daxil olub. Gələn il isə Las Veqasın küçələrində yarışların keçirilməsi planlaşdırılır.

Lyuis Hamilton qeyd edib ki, bir az köhnəfikirlidir: “Buna görə də bəzi tarixi trasları sevirəm, amma yaşlandıqca zövqlərin müxtəlifliyini anlayıram. Çox az insanın yaşadığı, yaxşı hotelləri və auditoriyası olmayan yerlərə gedə bilərik. Bizim üçün tarixi olan trasda sürmək daha əyləncəli olar, ancaq bu, insanlardan asılıdır.

Yarışda atmosferi azarkeşlər yaradır. Pandemiya vaxtı gördük ki, onlarsız mümkün deyil. Yarışlar testləri xatırladırdı və həzz vermirdi. İndi isə sevə-sevə yarışlara gəlirlər.

Daha çox insanın olduğu şəhərlərə getməliyik. Nurburqrinqi çox sevsəm də, orada insan azdır. Mayamidə isə çox şey etmək olar”.