Ora “Formula 1”in brilyant qaşıdır - Ekklstoun

6 İyun 2022 10:10

“Formula 1”in sabiq rəhbəri Berni Ekklstoun bildirib ki, Monako yarışının yerini heç nə tuta bilməz.

Publika.az xəbər verir ki, Monte Karlo küçələri 1955-ci ildən “Formula 1” yarışlarını qəbul edir.

Lakin son illərdə əfsanəvi trasın təqvimdən çıxarılacağı ilə bağlı iddialar artır. Bunun əsas səbəbləri kimi maliyyə problemləri və yarışın darıxdırıcı keçməsi göstərilir.

Berni Ekklstoun deyib ki, kimsənin Monakonu təqvimdən çıxarmağa cəsarəti yoxdur: “Oranın yaxşı və ya pis yarış olması fərq etmir. Ora “Formula 1”in brilyant qaşıdır.

Mayamiyə baxın. O, “Formula 1” yarışı deyildi. Elə bil yerli klub yarışırdı. Avtoparka bir neçə yaxta qoyub, oranı Monakoya oxşadırdılar. Monako yarışının təşkilatçıları hələ xoşbəxtdirlər. Drama uymurlar və özlərinə güvənirlər”.