• USD 1,7000 0,00% EUR 1,9396 +0,30%
    • GBP 2,1676 0,00% RUB 0,0272 +1,10%

Moskvaya YENİ ZƏRBƏ: Avropa və ABŞ…

  • ABŞ
  • 1 Dekabr 2018 12:15
  • 578 Baxış
Moskvaya YENİ ZƏRBƏ: Avropa və ABŞ…

ABŞ və Avropa İttifaqı Kerç boğazında Rusiyanın təcavüzü və Ukrayna dənizçilərinin tutulmasına görə Moskvaya qarşı sanksiyaların gücləndirilməsi imkanına baxmalıdır.

Publika.az xəbər verir ki, bu haqda “Suddeutsche Zeitung” nəşrinə müsahibəsində Ukrayna məsələləri üzrə ABŞ-ın xüsusi nümayəndəsi Kurt Volker bildirib.

“Moskva ilə münasibətlər Rusiyanın Kerç boğazında təcavüzündən sonra yeni səviyyədədir. ABŞ prezidenti Donald Tramp Rusiya prezidenti Vladimir Putinlə görüşü ləğv etdi, avropalılar və amerikalılar yeni sanksiyalara baxmalıdır”, - o deyib.

Qeyd edək ki, ABŞ prezidenti Rusiya lideri ilə Argentinada keçirilən G20 sammitində razılaşdırılmış görüşdən imtina edib. Trampın özü tvitterdə yazıb ki, Kerç boğazı ətrafıpnda yaşanan insidentlə bağlı məruzə ilə tanış olandan sonra bu qərara gəlib. Trampın sözlərinə görə, onu bu addımı atmağa məcbur edən səbəb gəmilərin və hərbçilərin hələ də geri qaytarılmamasıdır.

Xatırladaq ki, noyabrın 25-də Rusiya sərhədçiləri Kerç boğazında silah tətbiq edərək Ukrayna Hərbi-Dəniz Qüvvələrinin üç gəmisini saxlayıb. Nəticədə, 3 Ukrayna hərbçisi yaralanıb. Bundan başqa, 24 Ukrayna hərbçisi saxlanılıb. Məhkəmə 24 dənizçidən 15-i barədə həbs qəti-imkan tədbiri seçib.

Poroşenko ötən gün Rusiya rəhbərliyindən dənizçiləri və gəmiləri azad etməyi tələb edib. Kiyev Rusiya sərhədçilərinin hərəkətlərini qanunsuz adlandırıb. Ukrayna hakimiyyətinin fikrincə, Moskva dəniz hüququ üzrə BMT Konvensiyasını, həmçinin Azov dənizi və Kerç boğazından istifadə üzrə əməkdaşlıq haqqında Ukrayna-Rusiya müqaviləsi pozub.

Ömər

loading...

Xəbər lenti

DAHA ÇOX XƏBƏR