Rusiya-ABŞ müharibəsinin ÜÇ SSENARİSİ: Bir gündən bir neçə aya kimi... - Qorxunc PROQNOZ

Rusiya və ABŞ arasında qlobal qarşıdurma riski ən yaxın bir neçə il ərzində artacaq.

Publika.az “RİA-Novosti” agentliyinə istinadən xəbər verir ki, bu haqda Rusiyanın nüfuzlu Xarici və Müdafiə Siyasəti Şurasının araşdırma üzrə direktor müavini Dmitri Suslov “Beynəlxalq təhlükəsizlik 2018: vəziyyət və perspektivlər” konfransında deyib.

Ekspert Moskva və Vaşinqtonun mümkün hərbi toqquşması üçün üç ssenarini təsvir edib.

1. Birinci risk yalnız kibertəhlükə və ona hərbi vasitələrlə mümkün reaksiya ilə bağlıdır.

2. Qarşısıalınmaz qızğın silahlanma, həmçinin Avropada yerüstü əsaslı orta və kiçik mənzilli raketlərin yerləşdirilməsi ikinci riskdir. “Mən düşünürəm ki, biz bu reallığa gələcəyik. Təəssüf ki, bir neçə il sonra”, - Suslov qeyd edib.

3. Üçüncü ssenari Suriya və ya Qara dəniz regionu ilə bağlıdır.

Rusiyalı hərbi ekspert Konstantin Sivkov da həmçinin, Rusiya və ABŞ arasında nüvə müharibəsinin başlanğıcının mümkün ssenarisini təsvir edib. Onun sözlərinə görə, Birləşmiş Ştatlarla açıq hərbi qarşıdurma adi silahın tətbiqindən başlana bilər və bir müddət sonra nüvə silahı tətbiq ediləcək. O, bu müddətin bir neçə gündən bir neçə aya kimi olacağını düşünür.

Ömər