Tramp üçün NÖVBƏTİ MƏĞLUBİYYƏT: fevralın 15-də…

ABŞ prezidenti Donald Tramp demokratları şatdauna - büdcədə maliyyə olmadığı səbəbindən federal müəssisələrin müvəqqəti bağlanmasına görə ittiham edib.

Publika.az xəbər verir ki, bu barədə Trampın özü tvitter səhifəsində yazıb. Növbəti şatdaun artıq fevralın 15-də başlana bilər.
“Onlar sərhəddə son dərəcə zəruri olan divarin inşası üçün çox az pul təklif edirlər. İndi isə gözlənilmədən zorakılıq cinayətləri törətmiş məhbusların sayını məhdudlaşdırmaq istəyirlər. Onlar bu cür müdhiş təkliflər irəli sürəndə, mən artıq düşünməyə başlayıram ki, onlara şatdaun lazımdır”, - ABŞ prezidenti qeyd edib.

Bir həftə əvvəl Ağ Ev və Konqresin nümayəndələri etiraf etmişdilər ki, büdcə danışıqları növbəti dəfə nəticəsiz qalıb. Qanunvericilər Konqresin Meksika ilə sərhəddə tikiləcək divar üçün Donald Trampın tələb etdiyi məbləğin ayrılmasını müzakirə edirlər. Tramp bu məqsəd üçün 5 milyard dollar tələb edib, lakin Konqres daha az məbləğin ayrılmasını dəstəkləyir.

Nəhayət, Tramp fevralın 15-ə qədər, 3 həftəlik şatdauna razılaşıb. O, sərhəddə divarın tikilməsi tələbinin gerçəkləşməsinə hələlik nail olmasa da, onu nəyin bahasına olursa-olsun, tikəcəyini bəyan edib.

Konqresdə hər iki partiya şatdaundan yan keçmək niyyətindədirlər, çünki bu, onların populyarlığına xələl gətirir.

Pərviz Hikmət