ABŞ-dan sonra İngiltərə də elan etdi – Çinə qarşı böyük müharibə başlayır

ABŞ-ın Cənubi Çin dənizinə iki hərbi gəmi göndərməsindən sonra qarşdıdurma başlayıb.

Publika.az xəbər verir ki, rəsmi Pekin Vaşinqtonun onların icazəsi olmadan bölgəyə gəmi göndərdiyini bəyan edib.

İngiltərə müdafiə naziri Gavi Villiamson isə Çinin bu açıqlamasına sərt reaksiya verib. Qeyd edib ki, ordunun “kağızdan pələng” olmadığını göstərmək üçün “sərt güc”dən istifadə etməyə hazırdırlar.

İngilis nazir onlara məxsus “Queen Elizabet” HMS gəmisinin F-35 təyyarələri ilə birlikdə Cənubi Çin Dənizinə göndəriləcəyini bildirib.

Qeyd edək ki, ABŞ-a məxsus raketlərin yer aldığı USS Srpunce və USS Preble gəmiləri Spratli adalarının yaxınlığına gəlib. ABŞ Donanmasının sözçüsü Klay Doss bildirib ki, gəmilər bölgəyə vəzifələrini yerinə yetirmək və müşahidə aparmaq üçün gediblər.

Dünyanın ən əhəmiyyətli dəniz marşrutlarından biri olan Cənubi Çin dənizi zəngin karbohidrogen ehtiyatlarına malikdir. Çindən başqa Filippin, Vyetnam, Malayziya, Bruney və Tayvan kimi ölkələr də beynəlxalq suları iddia edirlər. ABŞ isə Çinin bu regionda möhkəmlənməsini təhlükəsizlik maraqlarına zərbə hesab edir və son illər Cənubi Çin dənizi regionunu xarici siyasətin prioritetlərindən birinə çevirib.

ABŞ-ın son təhlükəsizlik strategiyasında isə Çin və Rusiya ən böyük təhdidlər adlandırılıb. ABŞ bildirir ki, Çin süni adalar tikərək onların hesabına ərazi sularını genişləndirir və bu adalarda hərbi obyektlər inşa edir. Çin ABŞ-ın ittihamlarını rədd edir.

Analitiklərin proqnozlarına görə, Amerika əsas gücünü Çinlə mübarizəyə istiqamətləndirir. Bunun nə demək olduğu məlumdur. Hərbi mütəxəssislər son dövrdə regionda nüvə toqquşması riskinin ciddi şəkildə artdığını vurğulayırlar. Pekin isə Donald Trampın prezidentliyi dövründə ABŞ-la müharibənin qaçılmaz olduğunu bildirir. 2017-ci ilin yanvarında Çinin Müdafiə və Səfərbərlik Komissiyasından olan yüksək çinli zabitin “Çin Xalq Qurtuluş Ordusu”nun saytında yayımlanan məqaləsində deyilirdi ki, “Trampın prezidentliyi dövründə baş verə biləcək müharibə” kimi sözlər artıq şüar yox, realdır.

Asif