• USD 1,7000 0,00% EUR 1,8816 0,00%
    • GBP 2,0788 0,00% RUB 0,0259 0,00%

Bu raketlər Rusiya obyektlərini hədəf alacaq – ABŞ-dan TƏHDİD

  • ABŞ
  • 25 Fevral 2019 12:32
Bu raketlər Rusiya obyektlərini hədəf alacaq – ABŞ-dan TƏHDİD

ABŞ çətin ki, Avropada nüvə döyüş başlıqlarının yerləşdirilməsinə gedəcək, amma orada qanadlı raketləri yerləşdirə bilər.

Publika.az “RİA-Novosti” agentliyinə istinadən xəbər verir ki, bu haqda “Penn Bayden diplomatiya və qlobal qarşılıqlı fəaliyyət Mərkəzi”nin böyük direktoru Brayan Makkeon deyib.

Onun sözlərinə görə, ABŞ bunu Rusiyanı Orta və kiçik mənzilli raketlərin məhv edilməsi haqqında Müqavilə üzrə öhdəliklərinə qayıtmağa inandırmaq üçün edə bilər.

“Mən şübhə edirəm ki, Birləşmiş Ştatlar nüvə variantına cəhd edəcək. Güman edirəm ki, bu, qeyri-nüvə sistemləri olacaq. ABŞ-da başqa variantlar var. ABŞ-da dəniz və hava əsaslı sistemlərin variantları var. Onlar Rusiya obyektlərinə ciddi təhlükə yarada bilərlər”, - Makkeon bildirib.

Qeyd edək ki, fevralın 2-də ABŞ Rusiyanı müqaviləni pozmaqda ittiham edib və müqavilədə iştirakı dayandırıb. Vaşinqtonun bəyanatına görə, Rusiya razılaşmanın icrasına qayıtmasa, müqavilədən çıxış prosesi altı ay sonra başa çatacaq. Moskva adekvat cavab verəcəyini bəyan edib.

Xatırladaq ki, müqavilə Sovet İttifaqı Kommunist Partiyası Mərkəzi Komitəsinin birinci katibi Mixail Qorbaçov və ABŞ prezidenti Ronald Reyqan tərəfindən 1987-ci ildə imzalanıb. Sənəd 500 kilometrdən 5500 kilometrə qədər ballistik və qanadlı nüvə raketlərinin istehsalını, həmçinin onların sınağını qadağan edir.

Ömər

Xəbər lenti

DAHA ÇOX XƏBƏR