ABŞ

"Tramp bunu etməkdən çox xoşbəxt olar" - Nazirdən İLGİNC AÇIQLAMA

10 İyun 2019 09:55

“Çin ilə ticarət müzakirələrində irəliləyiş əldə olunsa, prezident Donald Tramp “Huawei” şirkətinə qoyduğu sanksiyaları azalda bilər”.

Publika.az xəbər verir ki, bunu ABŞ-ın Maliyyə naziri Stiven Mnuçin deyib.

“The Guardian”a açıqlama verən nazir bildirib ki, hər hansı razılaşma əldə olunmasa, Vaşinqton büdcə kəsrini azaltmaq üçün gömrük rüsumları tətbiq etməyə davam edəcək:

“Prezident Tramp bildirib ki, ticarət məsələsində irəliləyiş əldə etsək və müəyyən təminatlar alsaq, “Huawei” mövzusunda yumşalma siyasəti aparmaq mümkündür. Əgər Çin də bir razılaşma yolunda addım atarsa, biz qoyduğumuz şərtlər şərçivəsində irəliləməyə hazırıq. Çin addım atmaq istəmirsə, prezident münasibətləri yenidən balanslaşdırmaq üçün tariflərin tətbiqinə davam etməkdən xoşbəxt olar”.

Qeyd edək ki, ABŞ Çinin “Huawei” texnologiya şirkətinə sanksiya tətbiq edir.

Zümrüd