ABŞ Putinin təklifini rədd etdi

ABŞ Rusiyadan hipersəsli raketlər almağa hazırlaşmır.

Publika.az “RİA-Novosti” agentliyinə istinadən xəbər verir ki, bu haqda Amerika administrasiyasının yüksəkvəzifəli nümayəndəsi bildirib.

Onun sözlərinə görə, Amerika tərəfində bunun üçün səbəblər var.

“ABŞ-da təhlükəsiz hazırlanmasında, sınaqlarda və raket texnologiyalarının reallaşdırmasında Rusiya ilə müqayisədə böyük üstünlük var”, - o deyib.

Qeyd edək ki, daha əvvəl Vladivostok şəhərində keçirilən V Şərq İqtisadi Forumunun plenar iclasında Rusiya prezidenti Vladimir Putin ABŞ-a ölkəsindən hipersəsli silah almağı təklif edib. O, ABŞ Prezidenti Donald Trampa Rusiyadan hipersəsli silah, hipersəsli raket kompleksləri almağı təklif etdiyini söyləyib.

V. Putinin sözlərinə görə, amerikalı tərəfdaşları ilə Osakada keçirilən görüşdə Rusiyanın hipersəsli silahlara malik olması, dünyada heç bir ölkədə bunun analoqunun olmaması məsələsi qaldırılıb: "Düzü onlar dedilər ki, özləri tezliklə belə bir silah istehsal edəcəklər. Yəqin ki, tezliklə istehsal edərlər. Rusiya dialoqa, müzakirəyə hazırdır. Lakin hələlik amerikalıardan aydın cavab almamışıq”.