Trampdan daha bir TARİXİ ETİRAF: ABŞ Türkiyənin düşmənlərinə dəstək verəcək

ABŞ PYD/YPG terror təşkilatına maliyyə və silah dəstəyini kəsməyib.

Publika.az xəbər verir ki, bunu ABŞ prezidenti Donald Tramp deyib.

Tvitterdə açıqlama verən prezident “Suriyadan çəkilə bilərik, amma heç bir şəkildə (YPG/PKK) kürdləri tərk etmirik. Onlar xüsusi və müdhiş savaşçılardır. Eyni zamanda, NATO müttəfiqimiz və ticarət ortağımız olan Türkiyə ilə münasibətlərimiz də çox yaxşıdır” sözlərini yazıb.

Türkiyənin hazırda böyük bir kürd əhalisinə ev sahibliyi etdiyinə diqqət çəkən Tramp “Türkiyə Suriyanın o bölgəsində (əməliyyat bölgəsi) 50 əsgərimiz olduğunu və həmin şəxsləri çoxdan geri çəkdiyimizi anlayır. Türkiyə məcburi olmayan və ya lazımsız hər hansı müharibəyə girərsə, bunun iqtisadiyyatı və zəif valyutası üzərində böyük təsiri olacaq” ifadələrini işlədib.

Prezident əlavə olaraq kürdlərə maliyyə və silah baxımından dəstək verdiklərini gizlətməyib.

Qeyd edək ki, ABŞ 2013-cü ildən bəri İŞİD terror təşkilatına qarşı mübarizə bəhanəsi ilə PYD/YPG təşkilatına maliyyə dəstəyi verir.

Zümrüd