ABŞ

Tarix təkrarlanır: daha bir qadın Trampla sirlərini açdı

26 Dekabr 2019 12:48

ABŞ prezidenti Donald Tramp yenə seçkiqabağı qalmaqalla üzləşib.

Publika.az xəbər verir ki, Trampın 2016-cı il prezident seçkilərində qalib gəlməkdə böyük payı olan Arlene Delqado onu məhkəməyə verib.

Mühafizəkar köşə yazarı və şərhçi olan Delqado hamilə olduğu üçün ayrı-seçkiliyə məruz qaldığını iddia edir. O, eşq yaşadığı evli müdirindən hamilə qaldıqdan sonra iş səlahiyyətlərinin əlindən alındığını bildirir. Delqado hamilə qaldığını 2016-cı ilin noyabrında – Trampın seçkilərdə qalib gəldiyi dövrlərdə öyrənib. Yazar iddia edir ki, onun övladının atası Trampın 2016-cı il seçki kampaniyasındakı mətbuat katiblərindən biri olan Ceyson Millerdir.

Arlene ABŞ-da səslərin sayılması davam edərkən seçki mərkəzindən atdığı tvitlə Trampın tərəfdarlarını təbrik etməyə başladığını dünyaya elan edən ilk şəxs olub. O, hazırkı liderin seçki komandasında toplumla əlaqələrdən məsul ali səlahiyyətli biri idi.

Trampın andiçməsindən sonra Ağ Evdə vəzifə almasına icazə verilmədiyini qeyd edən Arlene bu durumdan maddi və mənəvi zərərli çıxdığını və təhqir olunduğunu irəli sürüb.

Xatırladaq ki, ABŞ prezidenti ilk seçildiyi müddətdə pornoulduz Stormi Daniels və pleyboy modeli Karen Makdouqal ilə keçmişdə yaşadığı münasibətlərə görə çətin günlər yaşamış, dəfələrlə məhkəməyə verilmişdi.

Məlumat üçün bildirək ki, ABŞ-da növbəti prezident seçkiləri 2020-ci ildə keçiriləcək.

Zümrüd