ABŞ

“Amazon”un rəhbəri ABŞ Prezidentini tənqid etdi

4 İyul 2022 04:16

“Amazon” şirkətinin rəhbəri Ceff Bezos yanacaqdoldurma məntəqələrinin sahiblərini ölkədə benzinin qiymətini dərhal aşağı salmağa çağırdığı üçün ABŞ Prezidenti Cozef Baydeni tənqid edib.

Publika.az xəbər verir ki, bu barədə Ceff Bezos özünün tviter hesabında yazıb.

“İnflyasiya Ağ Evin bu cür bəyanatlar verməyə davam etməsi üçün çox böyük problemdir. Bu ya açıq aldatmadır, ya da bazarın əsas dinamikasının dərin anlaşılmazlığıdır”, – Bezos bildirib.

ABŞ-da benzinin pərakəndə satış qiymətlərində artım qışın sonunda başlayıb. Bu, Ağ Evin tendensiyanın qarşısını almaq cəhdlərinə baxmayaraq, dünyada neftin qiymətinin artması fonunda baş verir.Iyulun 3-nə müntəzəm benzinin bir qallonunun (3,785 litr) orta qiyməti (Azərbaycanda Aİ-92 – Red) təxminən 4,8 dollardır.