ABŞ-ın Filippin planı: Bu yolla qorumaq istəyirlər

Birlışmiş Ştatlar Çinin Tayvana qarşı hər hansı addımının qarşısını almaq səyləri çərçivəsində Filippindəki hərbi mövcudluğunu və ölkədə yerləşən hərbi bazalara çıxışı artırmaq qərarına gəlib .

Publika.az xəbər verir ki, Bu barədə “Reuterts” məlumat yayıb.

Amerika Birləşmiş Ştatlarının müdafiə naziri Lloyd Ostin təhlükəsizlik imkanlarının genişləndirilməsi ilə bağlı danışıqlar aparmaq üçün yaxın günlərdə Filippinə səfər edəcək.

Qeyd olunur ki, Manilada rəsmilər Cənubi Çin dənizindəki ərazi iddialarını bu yolla qorumaq istəyirlər.

Vaşinqton Filippin tərəfinə hələ 2014-cü ildə bağlanmış Genişləndirilmiş Müdafiə Əməkdaşlıq Sazişi (EDCA) çərçivəsində Amerika hərbi obyektlərinin sayını artırmağı təklif edib.

EDCA ABŞ-a birgə təlim, avadanlığın yerləşdirilməsi və uçuş zolaqları, yanacaq anbarı və hərbi yaşayış yeri kimi obyektlərin tikintisi üçün Filippin bazalarına giriş imkanı verir, lakin daimi mövcudluğu istisna edir. ABŞ ordusunun artıq beş belə bazaya çıxışı var.

"Biz əmin olmaq istəyirik ki, heç bir ölkə etdiyimiz hər şeyin hansısa münaqişə və ya buna bənzər bir şeyə yönəldiyini görməsin",- Filippin hökumətinin rəsmisi deyib.

Ayşən