ABŞ

Bayden Trampın planına qayıtdı: Etirazlar başladı

22 Fevral 2023 14:30

Birləşmiş Ştatlardan verilən məlumta görə, ABŞ-Meksika sərhədinə gələn on minlərlə miqrantın sığınacaq istəməsi qadağan edilə bilər.

Publika.az xəbər verir ki,görüləcək tədbirlər Co Bayden administrasiyasının Amerika sərhədini qanunsuz keçən insanların axınının qarşısını almaq üçün ən böyük cəhdi olacaq.

Baydenin müəyyən kateqoriyalı miqrantların sığınacaq üçün müraciət etməsinə qadağa qoyma planı, Tramp administrasiyası tərəfindən görülən və sonradan federal məhkəmələr tərəfindən bloklanan oxşar tədbirləri əks etdirir.

Amerika Vətəndaş Azadlıqları Birliyi (ACLU) Bayden administrasiyasının təklifi ilə məhkəmədə mübarizə aparacağına söz verib və bunu fəalların "tranzit qadağası" adlandırdığı Trampın tətbiq etdiyi məhdudiyyətlə müqayisə edib: "Biz Trampın "tranzit qadağası"na məhkəmədə müvəffəqiyyətlə etiraz etdik və Bayden administrasiyası plana əməl edərsə, yenidən iddia qaldıracağıq" ,- deyə ACLU sözçüsü Li Gelernt bildirib.

Ayşən