"Ağ Evdə ölkəmizi məhv edən bu axmaqlar..." - Trampdan qəzəbli paylaşım

ABŞ-ın keçmiş prezidenti Donald Tramp Co Baydeni 2021-ci ildə ABŞ qoşunlarının Əfqanıstandan tələsik çıxarılmasına görə məsuliyyəti dəyişdirməyə çalışmaqda ittiham edib və bunu “bacarıqsız təslim olmaq” kimi qiymətləndirib.

Publika.az xəbər verir ki, Tramp bu barədə "Truth Social" səhifəsində yazıb

“Ağ Evdə ölkəmizi sistematik şəkildə məhv edən bu axmaqlar, ən böyük axmaq, ümidsiz Co Bayden başda olmaqla, yeni bir dezinformasiya oyununa sahibdirlər - Əfqanıstanı kobud şəkildə səriştəsiz şəkildə təslim etməkdə “Trampı” günahlandırırlar. Mən hamı ilə birlikdə bu fəlakətin necə baş verdiyini izlədim”, – o deyib.

Ağ Evin keçmiş sahibi ABŞ-ın hazırkı prezidentini Əfqanıstandan ilk dəfə mülki əhalinin deyil, hərbçilərin təxliyə edilməsinə göstəriş verməkdə, “85 milyard dollar” dəyərində silah və hərbi texnikanın “Taliban”ın əlinə keçməsinə şərait yaratmaqda ittiham edib.

"Bunun üçün Bayden günahkardır, başqa heç kim!" – Tramp emosional şəkildə vurğulayıb.

Ayşən