Daşqın Muzeyi su altında qaldı
Bizi izləyin
Aptekonline

ABŞ

Daşqın Muzeyi su altında qaldı

Daşqın Muzeyi su altında qaldı

Pensilvaniya ştatının Constaun şəhərindəki Daşqın Muzeyi daxili daşqın səbəbindən müvəqqəti olaraq ziyarətçilər üçün bağlanıb.

Publika.az xəbər verir ki, bu barədə "HuffPost" məlumat yayıb.

Hadisə binada su sızmasına səbəb olan son vaxtlar kəskin soyuq hava şəraitində baş verib.

Yerli media xəbər verir ki, su muzeyin divarlarından sızaraq xalçalara, alçıpanlara və tavan plitələrinə ziyan vurub. Xoşbəxtlikdən tarixi dəyərə malik eksponatlara ziyan dəyməyib.

Muzeyin əməkdaşı Nikki Bosley sızıntını vaxtında aşkar edib və bu, daha ciddi nəticələrin qarşısını alıb. Lakin qurumun açılışının dəqiq tarixləri hələlik açıqlanmayıb.

Muzey 1889-cu ildə Constaun şəhərində baş vermiş və ABŞ tarixində ən böyük fəlakətlərdən birinə çevrilmiş Böyük Daşqının xatirəsinə həsr edilib.

Hüseyn İbadlı

Oxumağa davam et
Reklam
Reklam

Gündəm

Aptekonline