ABŞ Rusiyanın himayəçisi rolunda: Qərb "redaktorları" qətnamə mətnini "alt-üst" ediblər

Fevralın 24-də BMT Baş Assambleyasında Ukrayna üzrə qəbul edilən qətnamələr sülh danışıqlarına mane olduğu üçün düşmənçilik xarakteri daşıyır.

Publika.az xəbər verir ki, bunu ABŞ Dövlət katibi Marko Rubio deyib. O, bu barədə "Breitbart" portalına müsahibəsi zamanı bildirib.

“Prezident Tramp bu müharibəni bitirmək istəyir. Düzünü desəm, BMT-də hər iki tərəfə düşmən münasibət bəsləyən bir şeyin olması bizim üçün əlverişli deyil”, - deyə siyasətçi bildirib.

Rubio bu “düşmən” sənədini BMT-də səsverməyə çıxaran Kiyevi sərt şəkildə tənqid edib. Nəticədə qətnamə layihəsi Təşkilatın Baş Assambleyasında 93 ölkə tərəfindən qəbul edilib. Vurğulanır ki, Rusiya Xarici İşlər Nazirliyinin rəsmi nümayəndəsi Mariya Zaxarovanın dediyinə görə, ABŞ da qətnamə təqdim edib, amma Qərb ölkələri öz düzəlişləri ilə sənədi “dağıdıb”.

Məlumatda bildirilir ki, sənəddə ABŞ-ın təklif etdiyi neytral ton əvəzinə aqressiv ton istifadə olunub. Orijinal mətndə münaqişə Rusiya və Ukrayna arasında adlanırdı. “Redaktorlar” bunu “Rusiyanın Ukraynaya geniş miqyaslı işğalı” kimi yazıblar. Rusiyanın BMT-dəki daimi nümayəndəsi Vasili Nebenzya bu sənədi “anti-Rusiya kağız parçası” adlandırıb. Rusiya Federasiyası İctimai Palatasının üzvü Vladimir Roqov isə layihəni biabırçılıq adlandırıb.

Həmin gün ABŞ ilkin qətnamə layihəsini BMT Təhlükəsizlik Şurasının üzvləri qarşısında səsverməyə çıxarıb və təsdiq olunub.

Qeyd edək ki, Təhlükəsizlik Şurasının qərarı Baş Assambleyadan fərqli olaraq hüquqi qüvvəyə malikdir.

Adəm Abbaslı