Ağ Ev yarım milyondan çox miqrantla bağlı PLAN QURUR

ABŞ Prezidenti Donald Trampın administrasiyası 530 mindən çox miqrant üçün müvəqqəti hüquqi statusu ləğv etməyi planlaşdırır.

Publika.az xəbər verir ki, bu barədə NBC sənədə istinadla məlumat yayıb.

Jurnalistlərin sözlərinə görə, söhbət 2023-cü ildə keçmiş prezident Co Baydenin dövründə tətbiq edilən xüsusi proqram çərçivəsində ABŞ-a gələn miqrantlardan gedir. Amerikalı sponsorun dəstəyi ilə əcnəbilərin ölkəyə daxil olmasına və iki il ABŞ-da işləməsinə icazə verib.

NBC-nin məlumatına görə, 2024-cü ildə hakimiyyət orqanları bu proqram çərçivəsində miqrantların fırıldaqçılıq sxemləri üçün istifadə olunduğundan narahat olduqları üçün miqrantların qəbulunu müvəqqəti olaraq dayandırıb.

Kanal bildirib ki, Tramp administrasiyası Baydenin dövründə yaradılmış giriş və müvəqqəti qalma proqramları çərçivəsində Kuba, Haiti, Nikaraqua və Venesueladan ABŞ-a gələn 530 mindən çox insanın müvəqqəti hüquqi statusunu ləğv etməyi planlaşdırır.

NBC-nin məlumatına görə, sənədin martın 25-də dərc olunacağı, bundan sonra miqrantların ABŞ-da müvəqqəti qalma proqramları aprelin 24-də başa çatacaq. Proqramdan yararlanan və qanuni immiqrasiya statusu alan əcnəbilərin ölkəni tərk etmələri tələb olunmayacağı qeyd edilir.

Hüseyn İbadlı