ABŞ QORXU İÇİNDƏ - İsrail İranı vurandan sonra...

ABŞ, İsrailin hava hücumundan müdafiə (HHM) sistemlərinin, bu ölkənin İranın nüvə obyektlərinə mümkün hücumuna cavab olaraq Tehranın verəcəyi zərbələrə tab gətirə bilməyəcəyindən ehtiyat edir.

Publika.az xəbər verir ki, bu barədə "Axios" mənbələrə istinala məlumat yayıb.

"ABŞ İsrailin hava hücumundan müdafiə sistemlərinin İranın yüzlərlə raketlə cavabına tab gətirə bilməyəcəyindən narahatdır", - nəşr yazır.

ABŞ Prezidentinin Yaxın Şərq üzrə xüsusi nümayəndəsi Stiven Vitkoff brifinq zamanı bir qrup amerikalı senatora deyib ki, əgər İsrail İranın nüvə obyektlərinə zərbə endirərsə, İranın sonrakı cavabı İsrailin böyük itkiləri ilə nəticələnə bilər.

Portalın istinad etdiyi ABŞ kəşfiyyatındakı mənbə deyib ki, İranın arsenalında 900 kiloqram və ya daha çox yük daşıya bilən təxminən iki min raket var; İsrail onların bir çoxunun əhatə dairəsindədir.

Bundan bir qədər əvvəl "ABC News" öz mənbələrinə istinadla yazıb ki, İsrail hakimiyyəti yaxın günlərdə İrana qarşı hərbi əməliyyat keçirə bilər. Üç mənbəyə görə, onlar Vaşinqtonun mümkün hücum planlarında iştirak edib-etmədiyi barədə məlumatlara malik deyillər. Bununla belə, onlar ABŞ-ın İsrail hakimiyyətinə kəşfiyyat məlumatı verə biləcəyini istisna etmirlər.

Tehran artıq müharibəyə hazır olduğunu bəyan edib və əvvəlkindən daha güclü və daha dağıdıcı olacaq cavabla hədələyib.

Hüseyn İbadlı