Trampın təsviri olan qızıl sikkənin dizaynını təsdiqləndi

ABŞ Təsviri Sənət Komissiyası Amerika Prezidenti Donald Trampın portreti olan xatirə qızıl sikkəsinin buraxılmasını təsdiqləyib.

Publika.az xəbər verir ki, bu barədə federal qurum məlumat yayıb.

Qeyd olunub ki, tərkibi şəxsən Tramp tərəfindən təsdiqlənmiş komissiya üzvləri 24 karatlıq xatirə qızıl sikkəsinin dizaynına yekdilliklə səs veriblər.

Sikkənin ön tərəfində ABŞ-ın hazırkı prezidenti Oval ofisdə masaya söykənmiş və yumruqlarını sıxmış vəziyyətdə təsvir olunacaq.

2025-ci ilin oktyabrında ABŞ Xəzinədarlığının üzərində Trampın təsviri olan 1 dollar nominalında yeni kolleksiya sikkələrinin buraxılması imkanlarını nəzərdən keçirdiyi barədə məlumat verilmişdi. Bu addımın Amerika Birləşmiş Ştatlarının qurulmasının 250 illiyi şərəfinə reallaşdırılması planlaşdırılır. Layihə çərçivəsində sikkənin üzərində ABŞ-ın hazırkı prezidenti Amerika bayrağının fonunda qaldırılmış yumruğu ilə təsvir ediləcək. Bu obraz 2024-cü ildə ona qarşı edilən sui-qəsddən sonra çəkilmiş geniş tanınan fotoşəkilə istinad edir.

İyunun 25-də Trampın portreti olan kolleksiya qızıl sikkələri satışa çıxarılıb. Qızıl sikkə öz məhsulları üçün Amerika liderinin adının və təsvirinin lisenziyalaşdırılmasına görə ödəniş edən "GodBlessTheUSABible.com" saytında əlçatan idi.

Hüseyn İbadlı