İranla müharibə Trampın nəzarətindən çıxır - ABŞ-ı nələr gözləyir?

İrana qarşı hərbi əməliyyatın başlamasından üç həftə sonra Donald Tramp faktiki olaraq münaqişənin gedişatı üzərində nəzarəti itirib.

Publika.az xəbər verir ki, bu barədə "Reuters" agentliyi məlumat yayıb

"Tramp İranla müharibə məsələsində özünü çıxılmaz vəziyyətə salıb və oradan necə çıxacağını anlaya bilmir", - agentlik Yaxın Şərq üzrə keçmiş danışıqlar aparıcısı Aaron Devid Millerdən sitat gətirib.

Onun sözlərinə görə, bu, Ağ Ev rəhbərinin əsas məyusluq mənbəyidir. Genişlənən münaqişə fonunda Tramp hakimiyyətinin diplomatik, hərbi və siyasi məhdudiyyətləri aşkar şəkildə üzə çıxıb.

Respublikaçı strateq Deyv Uilson xəbərdarlıq edib ki, benzinin qiymətinin artması da daxil olmaqla iqtisadi nəticələr, tezliklə amerikalıları onların gündəlik xərclərini müəyyən edən bu müharibənin zəruriliyi barədə suallar verməyə məcbur edəcək.

Ağ Evdəki mənbənin bildirdiyinə görə, digər NATO üzvlərinin və xarici tərəfdaşların Hörmüz boğazında təhlükəsizliyi təmin etmək üçün öz hərbi dəniz qüvvələrini göndərmək istəməməsi prezidenti hazırlıqsız yaxalayıb. Administrasiyada təcrid olunmuş görünməmək üçün Trampa mümkün qədər tez "çıxış yolu" tapmağı və hərbi əməliyyatın miqyasını məhdudlaşdırmağı tövsiyə edirlər.

Hüseyn İbadlı