ABŞ-ın İranla bağlı ŞOK PLANLARI - İraq və ya Əfqanıstandakı kimi olmayacaq

ABŞ İrandakı vəziyyətin inkişafı ilə bağlı bir neçə ssenarini təhlil edir, onların arasında Hörmüz boğazında sərbəst gəmiçiliyi təmin etmək üçün İran limanlarının ələ keçirilməsi də var.

Publika.az xəbər verir ki, bu barədə öz mənbələrinə istinadla "NBC News" məlumat yayıb.

Telekanalın həmsöhbətlərinin bildirdiyinə görə, keçid edən gəmilər üçün təhlükələri azaltmaq məqsədilə Fars körfəzindəki kiçik adaların ələ keçirilməsi variantı da nəzərdən keçirilir.

Bundan əlavə, nəzərdən keçirilən strategiyalar arasında İrandan yüksək dərəcədə zənginləşdirilmiş uranın çıxarılması üzrə əməliyyatın keçirilməsi və ya İranın neft obyektlərini ələ keçirmək üçün hərbi qüvvələrdən istifadə edilməsi də var. Mənbələr qeyd edib ki, bu, mühüm maliyyə kanalını bağlaya və İran rejimini güzəştə getməyə məcbur edə bilər.

Eyni zamanda dəqiqləşdirilib ki, təklif olunan ssenarilərin heç biri İraq və ya Əfqanıstandakı əməliyyatlara bənzər genişmiqyaslı qoşun yeridilməsini nəzərdə tutmur.

Fevralın 28-də ABŞ İsrail ilə birlikdə İrana qarşı hərbi əməliyyata başlayıb. Cavab olaraq Tehran İsrailə, eləcə də ABŞ-ın Yaxın Şərqdəki, o cümlədən Səudiyyə Ərəbistanı, Bəhreyn, Qətər, Küveyt və BƏƏ-dəki bazalarına raket və pilotsuz uçuş aparatları ilə zərbələr endirir.

Bundan əlavə, iranlıların dəniz yolu ilə neft tədarükünün təxminən 30%-nin payına düşdüyü Hörmüz boğazını bağladıqları, habelə Fars körfəzi dövlətlərinin neft infrastrukturuna zərbələr endirdikləri barədə məlumat verilmişdi. Bu, neft qiymətlərinin son dörd ilin maksimumuna yüksəlməsinə səbəb olub.

Hüseyn İbadlı