ABŞ

Pentaqon İrana qurudan hücum planı hazırlayır

29 Mart 2026 08:00

Pentaqon ABŞ-ın İranda bir neçə həftə davam edə biləcək mümkün quru əməliyyatlarına hazırlıq işləri aparır.

Publika.az bu barədə "The Washington Post" qəzeti mənbələrə istinadla məlumat yayıb.

Nəşrin məlumatına görə, potensial quru əməliyyatları tammiqyaslı işğalı nəzərdə tutmur. Söhbət xüsusi təyinatlıların və adi quru qoşunlarının reydlərindən gedir. İranın Xark adasının ələ keçirilməsi və ya Hörmüz boğazı yaxınlığındakı sahil bölgələrində silahların məhv edilməsi əsas hədəf ola bilər. Tapşırıqların icrası üçün bir neçə aya qədər vaxt tələb oluna bilər.

Ağ Evin mətbuat katibi Kerolayn Livitt isə öz növbəsində bildirib ki, Pentaqonun vəzifəsi prezidentin fəaliyyət azadlığını təmin etməkdir.

Xatırladaq ki, ABŞ və İsrail fevralın 28-də İrana qarşı hərbi əməliyyata başlayıblar. Tehran da daxil olmaqla ən böyük şəhərlər zərbələrə məruz qalıb. Müharibənin ilk günündə ali rəhbər Əli Xamenei öldürülüb.

Hüseyn İbadllı