ABŞ-ı qane edən rəqəmlər - Hörmüz boğazında hansı hadisələr cərəyan edir?

ABŞ Prezidenti Donald Tramp bildirib ki, hazırda Hörmüz boğazından bəzən ABŞ və İsrailin İranla müharibəsi başlamazdan əvvəl olduğundan daha çox neft daşınır.

Publika.az xəbər verir ki, çıxışın videosu "C-SPAN" portalında yayımlanıb.

Onun sözlərinə görə, yalnız son günlərdə boğazdan milyonlarla barel neft keçirilib. Tramp iddia edir ki, Amerika tərəfi bəzən münaqişədən əvvəlkindən daha çox həcmdə yanacaq daşıyır.

Oktyabrın 1-də ABŞ Prezidenti bildirib ki, Vaşinqton İranın Hörmüz boğazının açılması ilə bağlı təklifini kifayət qədər sərfəli olmadığını düşünərək rədd edib.

Amerika liderinin sözlərinə görə, sentyabrın sonunda Hörmüz boğazından İranla münaqişə tarixindəki göstəriciləri üstələyən rekord həcmdə neft daşınıb.

ABŞ Energetika Nazirliyinin məlumatına görə, sutka ərzində Hörmüz boğazından təxminən 13 milyon barel neft keçir. ABŞ-ın energetika naziri Kris Raytın bildirdiyinə görə, son günlərin birində boğazdan 20 milyondan çox barel neft keçib ki, bu göstərici münaqişədən əvvəlki səviyyəyə yaxınlaşıb.

Hüseyn İbadlı