• USD 1,7000 0,00% EUR 1,8352 0,00%
    • GBP 2,1921 0,00% RUB 0,0265 0,00%

Nizami Abbas: “Bir ölkənin ərazi bütövlüyü və azadlığı uğrunda şəhidi yoxdursa...”

  • Art
  • 18 Yanvar 2020 12:40
Nizami Abbas: “Bir ölkənin ərazi bütövlüyü və azadlığı uğrunda şəhidi yoxdursa...”

Nizami Abbasın rejissorluğu ilə Ramiz Fətəliyevin ssenarisi əsasında ekranlaşdırılan “Silahdaşlar” filminin dünən Nizami Kino Mərkəzində nümayişi baş tutub.

Publika.az xəbər verir ki, “Salnaməfilm” studiyasında çəkdiyi “Silahdaşlar” tammetrajlı sənədli filmi 1990-cı il 20 Yanvar hadisələrini lentə alan kino işçilərinin fədakarlığından bəhs edir.

Nümayişdən əvvəl 20 Yanvar şəhidləri bir dəqiqəlik sükutla yad edilib. Daha sonra filmin rejissoru, Əməkdar incəsənət xadimi Nizami Abbas səhnəyə çıxaraq 20 Yanvar xatirələrindən danışıb:

“30 il yaman tez gəldi... Ancaq biz bu 30 ildə nə qədər şəhidlər qazandıq. Əgər bir ölkənin ərazi bütövlüyü və azadlığı uğrunda şəhidi yoxdursa, o ölkənin heç bir zaman tarixi də olmaz.

1918-ci ildə Azərbaycan Demokratik Cümhuriyyətinin yaradılması uğrunda şəhid olan insanların dəfn olunduğu məkanda, 72 il sonra - 1990-ci ildə əliyalın xalq təpədən dırnağa qədər silahlanmış, sovet imperiyasının qoşunları ilə üz-üzə qaldı. Azərbaycan tam mənası ilə təklənmişdi. Sonralar həmin o müqəddəs yer Azərbaycanın ərazi bütövlüyü uğrunda şəhid olan, Qarabağ döyüşlərində canını fəda edən oğullarımızın məkanı oldu. Şəhidlər xiyabanında üç tarixi dönəmin şəhidləri dəfn olub, odur ki, bu məkan bizim üçün doğmadır.

90-cı ildə Azərbaycan Film Kinostudiyasının "Salnaməfilm" studiyasında “Azadlığa gedən yollar” lentə alındı. Azərbaycan Film Kinostudiyasının o zamankı direktoru Ramiz Fətəliyevin rəhbərlik etdiyi o qərargahda aktyor heyətindən tutmuş texniki işçilərə qədər hər kəs həmin o müqavimət hərəkatının önündə idi.

“Silahdaşlar” ekran əsərinin əsas mövzusu da “Azadlığa gedən yollar” ın necə çəkilməsi haqqındadır. Bu filmi çəkən insanlar “Silahdaşlar”da o dövr haqqında öz xatirələrini bölüşüb”.

Aytən Məftun

Foto: Pərviz Həşimi

Halal Nemət

Xəbər lenti

DAHA ÇOX XƏBƏR