Rusiyaya qarşı yeni sanksiyaların TARİXİ AÇIQLANDI

Kerç boğazında hadisələrə görə vəziyyətdə müsbət dəyişikliklər olmasa, Rusiyaya qarşı yeni sanksiyalar ən yaxın iki həftə ərzində Avropa İttifaqı tərəfindən bəyənilə bilər.

Publika.az “RİA-Novosti” agentliyinə istinadən xəbər verir ki, bu haqda Avropa diplomatiyasının başçısı Federika Moqerini Brüsseldə jurnalistlərə deyib.

”Ümid edirəm ki, Avropa İttifaqi ölkələri sanksiyaların dəstəklənməsində həmrəy olacaqlar”, - Avropa İttifaqının rəsmisi əlavə edib.

Daha əvvəl Almaniyanın “Bild” nəşri diplomatik mənbələrə istinadən bildirib ki, Avropa İttifaqı və ABŞ Rusiyaya qarşı yeni sanksiyalar üzərində işləyir.

İki Avropa diplomatının sözlərinə görə, Avropa İttifaqı və ABŞ Rusiyaya təzyiqin gücləndirilməsi məsələsində həmfikirdirlər. İlk növbədə, noyabrda Federal Təhlükəsizlik Xidməti tərəfindən saxlanmış 24 Ukrayna dənizçisinin azad edilməsindən söhbət gedir.

Diplomatlardan biri vurğulayıb ki, Rusiyaya qarşı yeni sanksiyalar bir neçə həftə ərzində elan ediləcək.

Ömər