Avropa

Müəssisələr üçün 400 milyard avro ayrıldı - Baş nazirdən açıqlama

7 Aprel 2020 12:10

İtaliyanın Baş naziri Cüzeppe Konte koronavirus epidemiyasının iqtisadiyyata təsiri ilə mübarizə aparmaq üçün 400 milyard avroluq yeni maliyyə dəstəyi paketini təsdiqləyib.

Publika.az xəbər verir ki, paket İtaliyanın istehsal müəssisələrinin üzərinə düşən yükü yüngülləşdirmək üçün qəbul edilib.

İqtisadiyyat naziri Roberto Qualtieri və İqtisadi İnkişaf naziri Stefano Patuanelli ilə birlikdə mətbuat konfransı keçirən baş nazir yardımın 200 milyardlıq hissəsinin ixracata, qalanının isə daxili bazara istiqamətləndiriləcəyini bildirib.

Konte daha əvvəl açıqladıqları 350 milyard avroluq maliyyə paketini xatırladaraq, bu dəstəklərin iqtisadiyyatda "raket effekti" yaradacağını qeyd edib.

O, həmçinin, bəzi vergi ödənişlərinin aprel və may aylarında təxirə salınacağını diqqətə çatdırıb.

Son rəqəmlərə görə, İtaliyada 132 min 547 nəfər koronavirusa yoluxub. 16 min 523 nəfər dünyasını dəyişib, 22 min 837 şəxs sağalıb.

Zümrüd