Avropa

Almaniya prezidenti müsəlmanların Ramazan bayramını belə təbrik etdi

22 May 2020 15:50

Almaniya Prezidenti Frank-Valter Ştaynmayer Ramazan bayramı münasibətilə mesaj yayımlayıb.

Publika.az xəbər verir ki, prezident türkcə, ingiliscə və ərəbcə yazılan mesajda bu il bayramın yeni tip koronavirus pandemiyasının kölgəsində qaldığını bildirib.

"Ramazan bayramınız mübarək olsun. Sizlər və hamımız üçün gələn il bayramı yenidən birlikdə qeyd etməyi diləyirəm. Bu il bayramı vərdiş etdiyimiz kimi birlikdə qeyd edə bilmirik. Amma daxili rahatlıqla və təsəlli verən inancla bir-birimizə bağlıyıq”, - alman lider qeyd edib.

Konstitusiyanın din azadlığını təmin etdiyinə diqqət çəkən Ştaynmayer insanların həyatını xilas etmək üçün kütləvi toplaşmağa müvəqqəti olaraq məhdudiyyət qoyulduğunu vurğulayıb: “Bu sərt qaydalara əməl edən və virusa qarşı mübarizədə ilk uğurları əldə etməyimizə fayda verən hər kəsə şükranlarımı göndərirəm. Anlayışınız, məsuliyyət şüurunuz və həssas davranışınız üçün təşəkkür edirəm”.

Zümrüd