Avropa

Barbadosda Respublika rejimi elan edildi

1 Oktyabr 2021 16:27

Barbadosda Respublika rejimi elan edilib.

Publika.az xəbər verir ki, Karib dənizində yerləşən və ada ölkəsi olan Barbados Kraliça II Elizabet tərəfindən idarə olunurdu. Lakin ada Kraliçanın səlahiyyətini tanımağı dayandırdığını açıqlayıb.

1966-cı ildə müstəqilliyini elan edən Barbados yenə də Birləşmiş Krallığın üzvü olaraq qalıb və buna görə Kraliça II Elizabeti rəsmi dövlət başçısı olaraq tanıyır.

Ölkənin Baş naziri Mia Mottli bildirib ki, Barbados müstəmləkəçilik keçmişinə son qoymaq ərəfəsindədir və ölkə seçiləcək prezident tərəfindən idarə olunacaq.

Krallığın müstəmləkə qubernatoru, Barbadosun general-qubernatoru Dam Sandra Mason prezidentliyə namizədliyini irəli sürüb. Parlament onun namizədliyini təsdiqləsə, Mason 1966-cı ildə ölkənin Britaniyadan müstəqilliyini elan etdiyi günün ildönümü olan 30 noyabr tarixində ölkənin ilk prezidenti olacaq.

Bununla da Kraliça Elizabetin idarə etdiyi ölkələrin sayı 15-ə enəcək.