Avropa

Rusiyanın Aİ-dəki daimi nümayəndəsi İSTEFA VERƏCƏK

13 Sentyabr 2022 05:09

Rusiyanın Avropa İttifaqındakı daimi nümayəndəsi Vladimir Çijov tezliklə istefa verəcəyini açıqlayıb.

Publika.az xəbər verir ki, bu barədə "RİA Novosti" məlumat yayıb.

Diplomatın sözlərinə görə, işgüzar səfəri başa çatıb və yaxın vaxtlarda Brüsseli tərk edəcək.

"Rusiya və Aİ arasında strateji tərəfdaşlığın canlı abidəsi kimi çıxış etmək mənə daha rahat deyil" - o, etiraf edib. Agentlik qeyd edir ki, Çijov bu vəzifədə 17 il çalışıb. Diplomat yerinə gələcək şəxsin adını açıqlamayıb.

Rusiyanın Aİ-dəki daimi nümayəndəsi, həmçinin qeyd edib ki, vida səfərləri zamanı o, avropalılara xəbərdarlıq edib ki, körpüləri yandırmaq onları sonradan bərpa etməkdən daha asandır. Bundan əlavə, o bildirib ki, Aİ ölkələri öz “strateji muxtariyyətlərini” unudub və “NATO-nun iqtisadi əlavəsinə” çevrilirlər.

Akqabay