Bu ölkədə ABORT etdirmək istəyən qadınlarla bağlı yeni FƏRMAN

Macarıstanda abort etdirmək istəyən qadınlar dölün ürək döyüntüsünü dinləmək məcburiyyətində olacaq.

Publika.az xəbər verir ki, abort üçün gələn qadınlar mama-ginekoloqdan arayış təqdim etməyə borcludur. Bu barədə Macarıstanda fərman qüvvəyə minib. Bu ölkənin Daxili işlər nazirinin müvafiq əmri rəsmi qəzetdə dərc olunub.

Sənədə əsasən, hamiləliyi dayandırmaq istəyən qadının verdiyi ərizənin forması dəyişdirilir. İndi sənədə bu bənd də daxil edilib: “Tibbi sübutlar göstərir ki, tibb işçisi hamilə qadına aydın şəkildə müəyyən edilə bilən bir şəkildə dölün həyati funksiyalarını nümayiş etdirib”.

Beləliklə, abort üçün göstərişi imzalayan mama-ginekoloq hamilə qadının dölün ürək döyüntüsünü dinlədiyini ifadə etməyə borcludur. Milli Tibb Palatası bu qaydanın mövcud etika kodeksinə və palatanın əsas prinsiplərinə uyğun olduğunu bildirib.

“Yeni qayda mahiyyət etibarilə yalnız inzibati baxımdan mövcud protokolu dəyişdirir, indiyə qədər dölün həyati əlamətlərini yoxlamaq və hamilə anaya məlumat vermək lazım idi” , - palata bildirib.

Hazırda bu ölkədə hamiləliyin 12-ci həftəyə qədər (istisna hallarda - 24-ə qədər) dayandırılmasına icazə verilir. Hamiləlik zorakılıq nəticəsində baş veribsə, ananın sağlamlığını təhdid edirsə, dölün inkişafında pozğunluq varsa və ya hamilə qadın çətin maliyyə vəziyyətindədirsə, prosedur təyin edilir.