Avropa

Rusiyanın daha iki "Su-25" hücum təyyarəsi MƏHV EDİLDİ

29 Sentyabr 2022 20:36

Sentyabrın 29-da saat 17:00 radələrində Nikolayev vilayətinin Baştan rayonunda “Cənub” hava komandanlığının Odesa zenit-raket briqadasının əsgərləri tərəfindən Rusiyanın iki "Su-25" hücum təyyarəsi vurulub.

Bu barədə Publika.az Ukrayna Silahlı Qüvvələrinin Hərbi Hava Qüvvələrinin mətbuat xidmətinə istinadla xəbər verir.

Ötən gün ərzində Ukrayna Silahlı Qüvvələrinin Hərbi Hava Qüvvələrinin zenit-raket qüvvələrinin bölmələri dörd X-59 raketi ilə yanaşı, Rusiyanın üç “Orlan-10” operativ-taktiki pilotsuz uçan aparatını da məhv edib.

Xatırladaq ki, həftənin əvvəlindən Rusiya İran istehsalı olan “Şahed-136” kamikadze dronundan 29 dəfə istifadə etməyi bacarıb. Ukrayna Silahlı Qüvvələrin bölmələri 10 dronu məhv etməyə müvəffəq olub.

Hüseyn İbadlı