Avropa

Qazın qiymətinin yuxarı həddini rəsmən təsdiqləndi

22 Dekabr 2022 23:28

Avropa İttifaqı Şurası qazın dinamik qiymət həddini meqavat-saat üçün 180 avro (indiki məzənnə ilə min kubmetr üçün təxminən 2000 dollar) səviyyəsində təsdiqləyib.

Publika.az xəbər verir ki, rəsmi qərar şuranın saytında dərc olunub. Qərar 15 fevral 2023-cü il tarixində qüvvəyə minəcək və bir il müddətində qüvvədə olacaq. Hesabatda qeyd olunub ki, bazara uyğunlaşma mexanizmi vətəndaşları və iqtisadiyyatı həddindən artıq yüksək qiymətlərdən qorumaq məqsədi daşıyır. Blok ölkələri dekabrın 19-da uzun müzakirələrdən sonra tədbir görməyə razılaşıblar. Qazın mübadilə qiyməti üç gün ərzində tavandan yuxarı olarsa, mexanizm işə düşəcək. Qazın qiymətinin əsas beynəlxalq mərkəzlər səbətinə əsaslanan mayeləşdirilmiş təbii qazın (LNG) təxmini dəyərindən meqavat-saat üçün 35 avro (təxminən min kubmetr üçün 370 dollar) yüksək olduğu əməliyyatlar bundan sonra qadağaya məruz qalacaq.

Akqabay