Avropa

Meloni Zelenskini Romaya dəvət etdi

28 Dekabr 2022 02:22

İtaliyanın Baş naziri Ciorcia Meloni Volodimir Zelenskini Romaya dəvət edib və Kiyevə getmək niyyətini bildirib.

Publika.az xəbər verir ki, İtaliya Nazirlər Şurasının məlumatına görə, Ciorcia Meloni ilə Volodimir Zelenski arasında telefon danışığı olub. C.Meloni siyasi, hərbi, iqtisadi, humanitar məsələlərdə və Ukraynanın yenidən qurulmasında İtaliya hökumətinin rəsmi Kiyevə tam dəstəyini təkrarlayıb. Bildirib ki, İtaliya Ukrayna xalqı üçün ədalətli sülhə nail olmaq üçün bütün faydalı səylərə maksimum sadiqdir.

Volodimir Zelenski isə tviter səhifəsində İtaliyanın Ukraynaya əlavə 10 milyon avroluq yardımına görə C.Meloniyə təşəkkür etdiyini, hava hücumundan müdafiə sistemləri və sülh formulu ilə bağlı müzakirələr apardıqlarını bildirib.