Avropa

Milanda şou ləğv edildi – Putinə görə

31 Dekabr 2022 17:41

Milanın “Arcimboldi” teatrı Rusiya təcavüzünü açıq şəkildə dəstəkləyən və bədənində Putinin döyməsi olan Ukrayna əsilli rəqqas Sergey Poluninin təşkil etdiyi iki tamaşanı ləğv edib.

Publika.az xəbər verir ki, bu barədə “Corriere della Sera” məlumat yayıb.

Bildirilir ki, Polunin 2023-cü il yanvarın 28 və 29-na planlaşdırılan "Rasputin - rəqs dramı" baletinin iki tamaşasında iştirak etməli idi.

Tamaşa 2019-cu ilin dekabrında planlaşdırılıb, sonradan pandemiya və rəqqasın zədəsi səbəbindən beş dəfə təxirə salınıb.

“Sənətçinin ifasına kəskin sosial və onlayn etirazla əlaqədar olaraq, truppa ilə razılaşdırıldıqdan sonra tamaşanın ləğvi zərurətə çevrilib”, - deyə “Arçimboldi” teatrından bildirilib.