Avropa

Poroşenko XALQA SƏSLƏNDİ: "Yeni ildə Putini məğlubiyyət, bizi isə..."

1 Yanvar 2023 19:13

Ukraynanın beşinci prezidenti Petro Poroşenko ukraynalıları Yeni il münasibətilə təbrik edib. O, vurğulayıb ki, 2023-cü il Ukraynanın qələbə ili olacaq.

Bu barədə Publika.az Poroşenkonun "Facebook" hesabına istinadla xəbər verir.

"Çətin bir il keçir. Ən çətini böyük itkilər ili, həm də böyük qəhrəmanlar ili. Bu il işıqsız yaşamağı öyrəndik. Amma başa düşdük ki, nur içimizdədir. Birlik və həmrəyliyin gücünü öyrəndik. Bütün ukraynalılar öz daxilində, bütün dünya isə Ukrayna ilə birləşdikdə", - Poroşenko bildirib.

Onun sözlərinə görə, 2022-ci ildə Ukrayna bir dövlət kimi ayaqda qalıb, amma hələ qarşıda birlik və həmrəylik tələb edən böyük mübarizə var.

"Biz möcüzələr yarada biləcəyimizi göstərdik. Putin üç günə blitskrieg istəyirdi, lakin o, artıq üç yüz gündən çox ümidsiz vəziyyətdə qalıb. Gələn il onu məğlubiyyət, bizi isə qələbə gözləyir", - Poroşenko vurğulayıb.

Hüseyn İbadlı