Avropa

Şahzadə Harri yenə atası ilə qardaşından gileyləndi

2 Yanvar 2023 21:35

Sasseks hersoqu Şahzadə Harri atası Kral III Çarlz və qardaşı Şahzadə Uilyam arasında isti ailə münasibətləri olmadığını söyləyib.

Publika.az xəbər verir ki, o, bu barədə İTV1-nin yayımladığı müsahibəsində bildirib. Harrinin sözlərinə görə, o, hər zaman "qurum yox, ailəsi olmasını" arzulayıb. Sasseks hersoqu atası və qardaşı ilə münasibətlərini bərpa etmək arzusunu da dilə gətirib. Bundan əlavə, müsahibənin qəhrəmanı kral ailəsinin onunla və həyat yoldaşı, Sasseks hersoginyası Meqan Marklla barışmaq istəyinin olmadığına əmin olduğunu bildirib.

Harrinin bu müsahibəsi bazar günü, yanvarın 8-də İTV1-də yayımlanacaq. Bir neçə gün sonra onun xatirələri də çap olunacaq.

Aytən Məftun