Avropada qaz ucuzlaşdı

Yanvarın 16-da keçirilən ticarətin nəticələrinə görə, Avropada təbii qazın birja qiymətləri min kubmetr üçün 615 dollardan bir qədər aşağı, 15,5% ucuzlaşıb.

Publika.az xarici mətbuata istinadən xəbər verir ki, bunu ICE London Fond Birjasının məlumatları sübut edir.

Hərracların açılışında TTF indeksi üzrə fevral fyuçersləri 0,2% artaraq 728,6 dollar nişanına yaxınlaşıb ki, bu da ticarətin maksimum qiyməti olub. Minimum dəyər $609,2 (-16,2%) təşkil edir. Ən son fyuçerslər 614,5 dollar (-15,5%) səviyyəsində alınıb.

Qaz fyuçerslərinin dəyərinin dinamikası cümə gününün hesablaşma qiymətinə əsaslanır - hər min kubmetr üçün $727,1.

Enerjiyə qənaət tədbirləri də regionda qazın qiymətinin aşağı düşməsinə səbəb olub. Dekabrda istehlak 13 faiz, 2023-cü ilin ilk günlərində Avropada qaza tələbat son beş ildəki orta göstəricilərlə müqayisədə 38 faiz azalıb. Avropanın səlahiyyətli orqanları və sənaye mütəxəssisləri dəfələrlə qeyd ediblər ki, cari istilik mövsümünün müvəffəqiyyəti artıq təmin edilir və indi sual anbarların gələn qış üçün doldurulmasıdır.

Hazırda Avropanın qaz anbarları təxminən 82 faiz doludur ki, bu da bütün zamanların ən yüksək göstəricisidir. Eyni zamanda gözlənilən soyuq hava şəraiti fonunda yeraltı anbarlardan yanacağın çıxarılması artmaqda davam edir. Region mayeləşdirilmiş təbii qazın (LNG) tədarükü hesabına öz ehtiyatlarını artıra biləcək - Avropa hazırda bu yanacaq növünün idxalını aktiv şəkildə artırır.

Aytən Məftun