Avropa

Bu ölkə vətəndaşlarına çağırış etdi: Dərhal tərk edin!

14 Fevral 2023 10:55

Fransa Xarici İşlər Nazirliyi Ukraynadakı hərbi münaqişə səbəbədindən Belarusda olan vətəndaşlarını dərhal ölkəni tərk etməyə çağırıb.

Publika.az xəbər verir ki, bu müraciətlə Fransa Xarici İşlər Nazirliyi çıxış edib.

“Rusiyanın Ukraynaya qarşı silahlı hücumu və Belarusun hava məkanını bağlaması kontekstində Belarusa hər hansı səfərlər xoş qarşılanmır. Belarusdakı fransızlara Litva, Polşa və ya Latviya ilə sərhəddəki keçid məntəqələri vasitəsilə avtomobil yolu ilə dərhal ölkəni tərk etmələri tövsiyə olunur”, - XİN-in bəyanatında deyilir.

Xarici İşlər Nazirliyi iddia edir ki, Litva və Latviya ilə sərhədlər açıq qalır və Polşadan keçən insanlar üçün yeganə keçid məntəqəsi Brest-Terespoldur.

Qeyd edək ki, fevralın 13-də Birləşmiş Ştatlar Ukraynadakı münaqişənin “gözlənilməz nəticələri” səbəbindən öz vətəndaşlarını Rusiyaya səfərlərdən çəkinməyə çağırıb və ölkədəkilərə təcili olaraq oranı tərk etməyi təklif edib.

Ayşən