Avropa

Müdafiə Nazirliyində kütləvi ixtisar: 160 vəzifəli şəxs...

5 Aprel 2023 17:21

Almaniyanın müdafiə naziri Boris Pistorius nazirliyin rəhbərliyini əhəmiyyətli dərəcədə azaltmaq niyyətindədir.

“Təşkilat və təftiş” şöbəsi və “strateji silahlara nəzarət” şöbəsi ləğv ediləcək. Baş müfəttişin səlahiyyətləri əhəmiyyətli dərəcədə azaldılacaq. İdarəetmə sahəsində 370 vəzifədən 160-ı çıxarılacaq.

Publika.az bu barədə "Bild" tabloidinə istinadla məlumat yayıb.

Dövlət katiblərinin ofislərinin 20 nəfərdən 5-6 nəfərə endirilməsi də nəzərdə tutulur. Nazirlikdə idarə rəhbərlərinin üzərinə daha çox məsuliyyət düşəcək.

Kadrlarla bağlı qərarlar mayın 15-dək verilməlidir. Aprelin 18-də departament rəhbərlərinin iclasının keçirilməsi nəzərdə tutulub, iki gün sonra isə növbədənkənar aparat iclasında islahat elan olunacaq.

Nazirliyin qalan hissəsində islahatların aparılması üçün payızda daha bir addım atılmalıdır. Ümumilikdə isə ştatların 10-20 faiz ixtisar edilməsi nəzərdə tutulur.

Ayşən