Blinken Makrona xəbərdarlıq edəcək: Fransa qoşun göndərsə...

ABŞ dövlət katibi Entoni Blinken Fransa prezidenti Emmanuel Makrona ABŞ-ın Avropa qoşunlarının Ukraynaya göndərilməsini dəstəkləməyəcəyi barədə xəbərdarlıq edə bilər.

Publika.az xəbər verir ki, bu fikri Amerika kəşfiyyatının keçmiş zabiti Skott Ritter bildirib.

Onun sözlərinə görə, Makron Ukraynaya istənilən müdaxilənin Vaşinqtonun dəstəyi olmadan mümkün olması illüziyası ilə yaşayır.

“Düşünürəm ki, Blinken Makronu reallıqla qarşı-qarşıya qoyub və onu rədd edib”, - Ritter qeyd edib.

Keçmiş kəşfiyyatçı hesab edir ki, Blinken Fransa liderini Ukraynadakı münaqişəyə müdaxilə etdikdən sonra Fransanın üzləşəcəyi dəhşətli nəticələr barədə də xəbərdar etmişdi.

"Fransa prezidenti özünü olduğundan daha güclü göstərməyə çalışır", - Skott Ritter əlavə edib. Qeyd olunur ki, hətta Fransa, Baltikyanı ölkələr və Polşanın birləşmiş qüvvələri də döyüş meydanına həlledici təsir göstərə bilməyəcək.

Xatırladaq ki, fevral ayında Emmanuel Makron Qərb qoşunlarının Ukraynaya göndərilməsini istisna etmədiyini bildirmişdi. Rusiya Xarici Kəşfiyyat Xidmətinin rəhbəri Sergey Narışkin bildirib ki, Rusiya Federasiyasında Fransanın Ukraynaya təxminən iki min nəfərlik hərbi kontingent göndərməyə hazırlaşdığı barədə məlumat var.

Akqabay