Bu ölkələr Orbana qarşı: Macarıstandakı mühüm görüş boykot ediləcək

Finlandiya və İsveç Aİ Şurasına sədrlik edən Macarıstanda keçirilən nazirlərin görüşlərini boykot etmək niyyətindədir.

Publika.az xəbər verir ki, bu barədə “Helsingin Sanomat” qəzeti mənbələrə istinadən məlumat yayıb.

“Finlandiya və İsveç Orbanın Moskvaya səfərinə etiraz olaraq Macarıstanda keçirilən Aİ nazirlərinin görüşlərini boykot etməyi planlaşdırır”, - nəşr yazır.

Qəzet qeyd edib ki, Finlandiyanın baş naziri Petteri Orpo və İsveç prezidenti Ulf Kristersson Aİ nazirlərinin Macarıstanda keçiriləcək iclaslarına nazirləri və ya dövlət katiblərini göndərməmək barədə razılığa gəliblər. Boykot iyulun sonuna qədər davam edəcək, lakin Macarıstanın hərəkətlərindən asılı olaraq oxşar addım davam edə bilər.

Xatırladaq ki, Viktor Orban iyulun 5-də Moskvaya səfər edib və orada Rusiya prezidenti Vladimir Putinlə görüşüb. O, Moskva səfərini iyulun 2-də Kiyevə səfərlə başlayan sülh missiyasının növbəti mərhələsi adlandırıb. Macarıstanın baş naziri yaxın vaxtlarda bir neçə belə gözlənilməz görüşlər keçirmək niyyətində olduğunu bildirib.

Akqabay