Makron narkomanlara "DİVAN TUTACAQ" - “Bezmişəm”

Fransada narkotik cinayətkarlığı ilə mübarizə kampaniyasının bir hissəsi olaraq narkotik istifadəsinə görə cərimə 200 avrodan 500 avroya qədər artırılacaq.

Publika.az xəbər verir ki, Fransa Prezidenti Emmanuel Makron bunu regional "La Provence" qəzetinin oxucuları ilə görüşündə açıqlayıb.

"Narkotik istifadə etmək əyləncəli deyil. Bunu insanlara aydın şəkildə çatdırmasaq, məqsədimizi əldən verəcəyik. Bəzi gənclərin yas tutmasından, digərlərinin isə narkotikdən istifadənin əyləncəli olduğunu düşünməsindən bezmişəm", - deyə o bildirib.

Bundan əlavə, Fransa lideri narkotik istifadəsinə görə "cərimələrin yığılmasını" "qeyri-qənaətbəxş" adlandırıb.

Fransa prezidenti qeyd edib ki, "bu rəqəmlərin artırılmasına cavabdeh olan Respublikaçı komissarlar təyin olunacaq".

Makron həmçinin cinayətkar dəstə liderlərinin yaşadığı digər ölkələrə səfərlərini də açıqlayıb. Prezident bildirib ki, bu ölkələrin liderləri ilə narkotik satıcılarının aktivlərinin müsadirə edilməsini müzakirə etmək niyyətindədir.

Hüsyen İbadlı